2016年04月17日
滙控（005）高層人事傳變動，行政總裁歐智華或在兩年內退任。中環資產投資行政總裁譚新強認為，這個消息短期內有望推動滙控股價，「同個人係無關，但係一個幾好嘅藉口嚟。」他指出近月中國資金不斷透過「滬港通」買入滙控，多少反映市場看好港股，再加上今次董事局傳重組，或起「錦上添花」作用。
他稱港股近期開始轉勢，環球市場期待中國反彈，而市場今年焦點由A股轉到港股之上。當港股造好時，滙控勢隨大市上升，且有中國及新興市場概念，轉勢時會成為受惠者之一，「希望唔好升咁快，因為坊間有滙控係藍燈籠嘅講法。」
記者 岑梽豪